1892*1949

Кедра Митрейлэн зэмос нимыз вал Дмитрий Иванович
Корепанов. Со вордиськиз Удмуртилэн уйпалаз Эгра
черкогуртын. Солэн атаез Сибыр тракт вылын ямщикын ужаз.
Эграысь церковно-приходской школаез, собере Зураысь кык
классъем училищеез йылпумъям бере 1907-ти арын К. Митрей
Кузонысь (Казаньысь) инородческой семинарие дышетскыны
пыре. Татын кутске солэн литературной ужез – со поттылиз ас
удмурт веросъёссэ «Сандал» нимо киын гожтэм журналын. Но
быдтыны семинариез Кедра Митрейлы оз кылды. Закон Божий
предметъя дышетисен ваче пумит вуэмез бере нырысь сое
эмъяськонние интыяло, собере семинариысь улляло.

Уж утчаса, егит мурт Ижкаре, Сарапулэ, Кузонэ, Перме,
Глазове вуылэ, но нокытын уг быгаты дышетись уж
шедьтыны, малы ке шуоно солэн ой вал дипломез. Огдыре ик
со удмуртъёс полысь калык кылосбурез фольклор бича. 1910–
1911 аръёсын Кедра Митрей зуч кылын автобиографической
повесть Дитя больного века гожтэ. Повестьын валтись инты
басьтэ егит муртлэн аслэсьтыз улон сюрессэ эскеремез, аслаз
вамышъёсызлы валэктон утчамез но дунъет сётэмез. Герой
вакчияк маде школаын но Зураысь училищеын дышетскем
сярысь, тросгес Кузонысь семинариын дышетскемзэ
возьматонлы саклык висъяське. Асулонюрессэ вераназ со
пыртэ ас гуртэзлэсь но семьяезлэсь историзэ, чебересь
инкуазь суредъёсты но туж трос портэм адямиослэсь
портретъёссэс.
Та кузьмадёсын Кедра Митрей даурлэсь «висёнъёссэ»шекъёссэ возьматыны малпа вылэм. Нош зэмзэ ке, егит
муртлэн тросэз курадзонъёсыз ас бордысьтыз пото. «Солэн
малпамезъя, быдэс дунне солы ваче пумит сылэ. Ачиз но
котькинлэсь палэнске, ассэ ваньмызлы ваче пумит пуктэ.
Герой шуг-секытъёсын огназ нюръяське, сое нокин уг
кылы, уг вала кадь, соин ик со бордэ, куректэ, тышкаське,
чигиське» (С. Т. Арекеева). Но со дырысь цензура та
повестез печатланы оз лэзь, со 1993 арын гинэ
печатласькиз.

1912-ти арын К. Митрей дышетись луон понна экзамен сётэ, собере вакчи
дыр чоже школаын ужа. 1914-ти арын Кедра Митреез эксэй армие басьто но
Благовещенске келяло. Армиын дыръяз со семья кылдытиз: ссылкае келям
поляклэсь нылзэ Анна Станиславовна Савицкаяез кышно басьтиз. 1915-ти
арын Благовещенскын военной службаын луыкуз ик со поттэ «Эш-Тэрек»
трагедизэ, кудиз гожтэмын вал зуч кылын. Та трагедиын автор возьматэ XIV
даурын удмуртъёслэсь поръёсын кусыпъёссэс но ожмаськемзэс. Трагедилэн
валтись героез Эш-Тэрек. Кивалтон понна, дан понна со ас выжыоссэ
тушмонлэсь но золгес адзонтэм каре. Эш-Тэрек трос куректон вае
удмуртъёслы, соослэсь кужымзэс пушласянь быдтэ. Кин зэмос тушмон, юа
кадь автор но калыкез сакгес луыны оте. Нош Эш-Тэрек сьод ужъёссэ
каньылэн лэсьтэ, возысьтыз адямиос кышкытлыкез чик уг шодо. Озьы ке но,
Эш-Тэрекез «злодей» гинэ шуыны уг луы, со сьодо-тодьыё суредамын. З.А.
Богомолова та героез Ф. Ницшелэн «сверхчеловек» валатонэныз но герзаз.
1920-ти арын К. Митреез армиысь лэзизы. Та вакытэ со ас улонзэ дышетон
удысэн герза: Зураын, Дэбесын калыкез дышетонъя ёзэтэн кивалтэ. 1923-ти арын
со Ижкаре вуэ но «Гудыри» газетын ужаны кутске. 1926-ти арын потэ «Идна
батыр» пьесаез. Татын озьы ик возьматиське 14-ти даур, но учыръёс ортчо «ЭшТэрек» трагедиын возьматэм событиослэсь вазьгес. «Татын автор йоскалык
ужпумъёсты уката лэчыт пуктэ: со – удмуртъёслэн куспазы тупамтэзы, калыклэн
«вайяськемез». Огъя кариськыса улись, ужась калыкез нокин но уз вормы, шуэ
кадь драматург, нош «удмуртэн удмурт ожмаськыса, югыт дунне саптаськоз…»
1928-ти арын солэн «Юбер батыр» поэмаез потэ.
Поэмаын Кедра Митрей вера XV даурын зучьёслэн
удмурт музъемъёсты басьтэмзы сярысь. Ӟучъёслэн
удмуртъёсын ожмаськемзы кошкемыт, лек тусо
суредамын. Ӵогон, коран, пильылон, пыргытон, юдон,
нелькон – ваньмыз та кылъёс ужен овол, адямиез
виёнэн герзаськемын. Но югыт сиез татын вань ик:
удмурт калыклэсь азьпал улонзэ автор Юберлэн
пиеныз Пужеен герза. Озьы автор йылпумъяз вашкала
батыръёслэн ужъёссы сярысь аспортэмлыко
«трилогизэ».

1930-ти арын Кедра Митрей дышетске
Москваын аспирантураын, нош кык ар ортчыса
Удмурт пединститутысь удмурт кылъя но
литературая кафедралэн кивалтисез луэ. 1934–
1937-ти аръёсы со удмурт писательёслэн
Огазеяськонзылэн тороез луыса ужа. 1937-ти
арын Кедра Митреез, буржуазной националист
но удмурт калыклэн тушмонэз шуыса, янгыше
уськыто. Та арын ик сое тямыс арлы Колымае
келяло. 1946-ти арын сое мозмыто, нош 1948-ти
арын выльысь пукто.

1928 – 1930-ти аръёсы Кедра Митрей Глазовысь педагогической
техникумлэн директорез луыса ужа. Та дыре 1929-ти арын со
«Секыт зибет» романзэ поттэ. Романлэн сюжетэз азинтиське XIX
даурлэн кутсконаз. Нырысь ик писатель тырше возьматыны, кыче
амалъёсын попъёс удмуртъёс полы православной осконэз
волмытизы. Романлэн валтись героез – Дангыр, вордскем
гуртысьтыз удмурт калыкез христианствое кужмысь пыртэмлы
пумит мынэ. Со валаны тырше, кыче катъёсъя улэ общество. Егит
геройлэсь улонзэ яратон югдытэ. Солэн яратоно нылыз – Дыдык,
улон орлы пумит мынись но дисьтись нылаш. Сям-йылолъёслы
пумит кариськыса, со кузпал бордысь гажанэз доры кошке. Но солы
Дангырен чош улыны уг кылды: улонэн кивалтись адямиослы пумит
мынись Дангырез куто но Сибыре келяло.
1949-ти арын Новосибирск улосысь Чумаково черкогуртын
удмурт калыклэн одигез дано пиез висьыса кулэ.