Благословен бог наш всегда ныне и присно и во веки веков

Благословен бог наш всегда ныне и присно и во веки веков
Слава тебе Боже наш слава тебе
Бог господь
Аминь
Царю небесный
на глас первого тропаря
Троице , гл. 8:
Благословен еси Христе Боже наш / иже премудры ловцы явлей /
ниспослав им Духа Святаго/ и теми уловлей вселенную / Человеколюбче
Боже наш слава Тебе.
Благодарственный Спасителю, глас 4:.
Благодарни суще недостойнии раби Твои, Господи, / о Твоих великих
благодеяниях на нас бывших, / славяще Тя хвалим, благословим,
благодарим, поем и величаем Твое благоутробие, / и рабски любовию
вопием Ти: / Благодетелю Спасе наш, слава Тебе.
О болящих, глас 4:.
Скорый в заступлении един сый, Христе, / скорое свыше покажи
посещение страждущим рабом Твоим, / и избави от недуг и горьких
болезней, / и воздвигни во еже пети Тя и славити непрестанно, / молитвами
Богородицы, Едине Человеколюбче.
Богородице, глас 4:
К Богородице прилежно ныне притецем,/ грешнии и смиреннии, и
припадем,/ в покаянии зовуще из глубины души:/ Владычице, помози, на ны
милосердовавши,/ потщися, погибаем от множества прегрешений,/ не
отврати Твоя рабы тщи,/ Тя бо и Едину надежду имамы.
Ин тропарь, глас 4:
Не умолчим никогда, Богородице,/ силы Твоя глаголати недостойнии,/
аще бо Ты не бы предстояла молящи,/ кто бы нас избавил от толиких бед?/
Кто же бы сохранил доныне свободны?/ Не отступим, Владычице, от Тебе,/
Твоя бо рабы спасаеши присно от всяких лютых.
Безплотным Силам, глас 4:
Небесных воинств Архистратизи, / молим вас присно мы недостойнии, /
да вашими молитвами оградите нас / кровом крил невещественныя вашея
славы, / сохраняюще ны припадающия прилежно и вопиющия: / от бед
избавите ны, / яко чиноначальницы Вышних Сил.
Ангелу хранителю, глас 6:
Ангеле Божий, / хранителю мой святый, / живот мой соблюди во страсе
Христа Бога, / ум мой утверди во истиннем пути, / и к любви горней уязви
душу мою / да тобою направляема / получу от Христа Бога велию милость.
Николаю, Мир Ликийских, чудотворцу, И Святителям общий глас 4:
Правило веры и образ кротости, / воздержания учителя / яви тя стаду
твоему, / яже вещей истина: / сего ради стяжал еси смирением высокая, /
нищетою богатая, / Отче священноначальниче Николае / моли Христа Бога /
спастися душам нашим.
Преподобному, глас 8:
В тебе, отче, известно спасеся еже по образу: / приим бо крест,
последовал еси Христу, / и дея учил еси презирати убо плоть, преходит бо, /
прилежати же о души, вещи безсмертней. / Темже и со ангелы срадуется,
преподобне [имя рек], дух твой.
Мученику, глас 4:
Мученик Твой, Господи, [имя рек], / во страдании своем венец прият
нетленный от Тебе, Бога нашего: / имеяй бо крепость Твою, / мучителей
низложи, / сокруши и демонов немощныя дерзости. / Того молитвами /
спаси души наша.
О ненавидящих и обидящих нас, глас 4:.
О распенших Тя моливыйся, любодушне Господи, / и рабом Твоим о
вразех молитися повелевый, / ненавидящих и обидящих нас прости, / и от
всякого зла и лукавства к добродетельному настави жительству, / смиренно
мольбу Тебе приносим, / да в согласном единомыслии славим Тя, / Единаго
Человеколюбца.
О путешествующих, глас 2:.
Путь и истина сый, Христе, / спутника Ангела Твоего рабом Твоим ныне,
/ якоже Товии иногда, / поели сохраняюща, / и невредимых к славе Твоей, от
всякого зла / во всяком благополучии соблюдающа, / молитвами
Богородицы, Едине Человеколюбче.
Перед началом всякого доброго дела, глас 2:.
Творче и Создателю всяческих, Боже, / дела рук наших к славе Твоей
начинаемая, / Твоим благословением спешно исправи, / и нас от всякого зла
избави, / яко един всесилен и Человеколюбец.
Слава тебе Боже наш слава тебе
Запевы святым
…. Слава Отцу и Сыну и Святому Духу
И ныне и присно и во веки веков аминь.
Избави от бед рабы Твоя, Многомилостиве, яко мы усердно к Тебе
прибегаем, к Милостивому Избавителю, всех Владыце Господу Иисусу.
Спаси от бед рабы Твоя, Богородице, яко вси по Бозе к Тебе прибегаем,
яко Нерушимей Стене и Предстательству.
Призри благосердием, Всепетая Богородице, на мое лютое телесе
озлобление, и исцели души моея болезнь.
Молите Бога о нас вси святии, яко мы усердно к вам прибегаем, скорым
помощником и молитвенником о душах наших.
Если водосвятие то отсюда заздравная ектения и тропари гл.6:
Ныне наста время, всех освящающее, / и праведный нас ждет Судия, / но
обратися, душе, к покаянию, / яко блудница, зовущи со слезами: Господи,
помилуй мя.
Водами одождивый, Христе, источник исцелений, / во всечестнем храме
Девы днесь / Твоего благословения окроплением / отгоняеши недуги
немощствующих, / Врачу душ и телес наших.
Дева родила еси Неискусобрачная / и Дево пребыла еси, Мати
Безневестная, / Богородице Марие, / Христа Бога нашего моли спастися нам.
Пресвятая Богородице Дево, / рук наших дела исправи / и прощение
прегрешений наших испроси, / внегда пети нам ангельское пение:
Святый Боже, / Святый Крепкий, / Святый Безсмертный, / помилуй
нас (трижды)
Прокимен на водосвятии глас 3. Господь просвещение мое и Спаситель мой, кого
убоюся?
Стих: Господь Защититель живота моего, от кого устрашуся?
И прочее последование водосвятного молебна до отпуста и аще есть, молитва и
величание
Спасителю, гл. 6. Господи, воздвигни силу Твою и прииди во еже спасти нас.
Стих: Пасый Израиля вонми, наставляяй, яко овча, Иосифа.
Пресвятой Богородице, гл. 4. Помяну имя Твое во всяком роде и роде.
Стих: Отрыгну сердце мое слово благо,глаголю аз дела моя Цареви
Прокимен о болящих. Глас 7-й. Помилуй мя, Господи, яко немощен есмь, исцели
мя, яко смятошася кости моя.
Стих: Яко несть в смерти поминаяй Тебе.
Прокимен, пред началом всякого дела гл. 4. Буди светлость Господа Бога нашего
на нас, и дела рук наших исправи.
Стих: И призри на рабы Твоя и на дела Твоя.
Прокимен благодарственный, глас 4: Воспою Господеви, благодеявшему мне, и
пою имени Господа Вышняго.
Стих: Возрадуется сердце мое о спасении Твоем.
Прокимен о путешествующих и военнослужащих, глас 4: Скажи ми, Господи,
путь, воньже пойду, яко к Тебе взях (подъях) душу мою.
Стих: Изми мя от враг моих, Господи, к Тебе прибегох.
Ангелам, гл. 4. Творяй Ангелы Своя духи и слуги Своя пламень огненный.
Стих: Благослови, душе моя, Господа, Господи Боже мой, возвеличился еси зело.
Пророкам, гл. 4. Ты иерей во век по чину Мелхиседекову.
Стих: Рече Господь Господеви моему: седи одесную Мене, дондеже положу враги Твоя
подножие ног Твоих.
Апостолам, гл. 8. Во всю землю изыде вещание их и в концы вселенныя глаголы их.
Стих: Небеса поведают славу Божию, творение же руку Его возвещает твердь.
Святителям и преподобным и Христа ради юродивым, гл. 7.
Господем смерть преподобных Его.
Честна пред
Стих: Что воздам Господеви о всех, яже воздаде ми.
Мученикам и бессребренникам, гл. 4. Святым, иже суть на земли Его, удиви
Господь вся хотения Своя в них.
Стих: Предзрех Господа предо мною выну, яко одесную мене есть, да не подвижуся
Если читается апостол Премудрость / К … св.ап. .. чтение / Вонмем / чтение /
Премудрость/Алилуйя ( всё как на литургии) если апостол не читается то сразу
Премудрость прости улышим св.Евангелия мир всем/ и духови твоему / от … св. Ев.
Чтение / Слава Тебе Господи , Слава Тебе / вонмем , чтение / Слава Тебе Господи , Слава
Тебе.
(прошения общие):
Еще молимся Тебе, Господу Богу нашему, еже услышатися гласу моления нашего и молитве, и
помиловати рабов Твоих (имена) благодатию и щедротами Твоими, и исполнити вся прошения
их, и простити им вся согрешения вольная и невольная; благоприятным же быти мольбам и
милостыням их пред Престолом Владычествия Твоего, и покрыти их от враг видимых и
невидимых, от всякия напасти, беды и скорби, и недугов избавити, подати здравие с
долгоденствием; рцем вси: Господи, скоро услыши и милостивно помилуй.
О еже не помянути безчисленная беззакония и лукавая наша деяния в минувшая лета жизни
нашея, и не воздати нам по делом нашим, но в милости и щедротах помянути нас, молим Ти ся,
Милосердый Господи, услыши и помилуй.
О болящих: Врачу душ и телес, со умилением в сердце сокрушенном к Тебе припадаем и стеняще
вопием Ти: исцели болезни, уврачуй страсти душ и телес рабов Твоих (души и тела раба Твоего)
— имя — и прости им (ему), яко Благосерд, вся прегрешения вольная и невольная, и скоро
воздвигни от одра болезни, молим Ти ся, услыши и помилуй.
Огненную болезнь Петровой тещи прикосновением Твоим исцеливый, и ныне люте страждущих
рабов Твоих (страждущаго раба Твоего) — имя — болезнь благосердием Твоим исцели, здравие
им (ему) скоро подавая, прилежно молим Ти ся, Источниче цельбам, услыши и помилуй.
Пред началом всякого дела : Призри, Человеколюбче, милостивым Твоим оком на рабы Твоя
(раба Твоего) (имя), ко Твоему благоутробию верою припадающия (припадающаго), и услышав
моления их (его), благое намерение и дело их (его) благослови, и благополучно начати и
благоуспешно кроме всякаго препятия, во славу Твою, совершити, яко Всесильному Царю, молим
Ти ся, услыши и помилуй.
Благодарственное : Якоже ныне милостивно услышал еси молитвы рабов Твоих (раба Твоего,
рабы Твоея), Господи, и явил еси на них (нем, ней) благоутробие человеколюбия Твоего, сице и в
предняя не презирая, исполни во славу Твою вся благая хотения верных Твоих (вернаго Твоего,
верныя Твоея) и яви всем нам богатую милость Твою, вся нам согрешения презирая, молим Ти ся,
услыши и помилуй.
О путешествующих и военнослужащих :Исааку и Товии Ангела спутника пославый, и тем
путьшествие и возвращение их мирно и благополучно сотворивый, и ныне, Преблаже, Ангела
мирна рабом Твоим (рабу Твоему, рабе Твоей), нами Тебе молящимся (молящемуся, молящейся),
посли, во еже наставити их (его, ю) на всякое дело благое, и избавити от враг видимых и
невидимых и от всякаго злаго обстояния, здраво же, мирно и благополучно к славе Твоей
возвратити, усердно молим Ти ся, услыши и помилуй.
О умирении во вражде сущих : Да совершени в любви Твоей, Боже наш, будем, ко ближнему
нелицемерную имети любовь принуди нас Твоего Духа благодатию, Владыко: к Тебе бо любовь
имети мняйся, брата же своего ненавидяй ложь есть, и во тьме ходит. Темже, Милостиве, в любви
Твоей и братней распали души и сердца наша, молим Ти ся, яко Милостив, скоро услыши и, яко
Щедр, помилуй.
Перед молитвой :
Господу помолимся –
Ко пресвятей …
К … во умилении сердец помолимся -
Господи помилуй
Пресвятая Богородице спаси нас
Св. …. моли Бога о нас
или
или
Молитва (на молебне о болящем):
Владыко Вседержителю, Святый Царю, наказуяй и не умерщвляяй, утверждаяй низпадающия и
возводяй низверженныя, телесныя человеков скорби исправляяй, молимся Тебе, Боже наш, раба
Твоего (имя) немощствующа посети милостию Твоею, прости ему всякое согрешение вольное и
невольное. Ей, Господи, врачебную Твою силу с небесе низпосли, прикоснися телеси, угаси
огневицу, укроти страсть и всякую немощь таящуюся, буди врач раба Твоего (имя), воздвигни его
от одра болезненнаго и от ложа озлобления цела и всесовершенна, даруй его Церкви Твоей
благоугождающа и творяща волю Твою. Твое бо есть, еже миловати и спасати ны, Боже наш, и
Тебе славу возсылаем, Отцу и Сыну и Святому Духу, ныне и присно и во веки веков. Аминь.
Молитва (о путешествующих):
Господи Иисусе Христе Божe наш, истинный и живый путю, состранствовати мнимому Твоему
отцу Иосифу и Пречистей Ти Деве Матери во Египет изволивый, и Луце и Клеопе во Еммаус
спутьшествовавый! И ныне смиренно молим Тя, Владыко Пресвятый, и рабoм Твоим сим (рабу
Твоему сему, рабе Твоей сей) Твоею благодатию спутьшествуй. И якоже рабу Твоему Товии,
Ангела Хранителя и наставника посли, сохраняюща и избавляюща их (его, ю) от всякаго злаго
обстояния видимых и невидимых врагов, и ко исполнению заповедей Твоих наставляюща, мирно
же и благополучно и здраво препровождающа, и паки цело и безмятежно возвращающа; и даждь
им все благое свое намерение ко благоугождению Твоему благополучно в славу Твою исполнити.
Твое бо есть, еже миловати и спасати нас, и Тебе славу возсылаем, со Безначальным Твоим Отцем
и со Пресвятым и Благим и Животворящим Твоим Духом, ныне и присно и во веки веков. Аминь.
Величания общие:
Пред чудотворной иконою Богоматери.
Величаем Тя /Пресвятая Дево/ Богоизбранная Отроковице/ и чтим образ
Твой святый/ имже точиши исцеления/ всем с верою притекающим.
Общее апостолу.
Величаем тя/ святый апостоле (и евангелисте) Христов (имя)/ и чтим
болезни и труды твоя/ имиже трудился/ еси во благовестии Христове.
Общее святителю.
Величаем тя/ святителю отче (имя)/ и чтим святую память твою/ ты бо
молиши о нас/ Христа Бога нашего.
Общее мученику.
Величаем тя/ страстотерпче святый (имя)/ и чтим честная страдания твоя/
яже за Христа претерпел еси.
Общее преподобному.
Ублажаем тя/ преподобне отче (имя)/ и чтим
твою/наставниче монахов/ и собеседниче Ангелов.
святую
память