Berdaq atındaǵı QMU Geografiya hám tábiyiy resurslar fakulteti Geografiya tálim baǵdarınıń 4A-kurs studenti Atabaev Arıslanbektiń 9B-klasqa Geografiya páninen «Jáhán xalqınıń jas, jınıslıq hám rasalıq quramı» temasında ótken ashıq sabaǵınıń analizine Protokol Qatnasqanlar: Metodist: Nauruzbaeva Gúlbahar Pán oqıtıwshısı: Ataniyazova Qallıgúl Ámeliyatshılar: Kurbanazarov Baxtıbek, Bazarbaev Sultanbek, Sultamuratov Tóremurat Kún tártibindegi máseleler: Ameliyatshı Atabaev Arıslanbektiń 9B-klasqa Geografiya páninen «Jáhán xalqınıń jas, jınıslıq hám rasalıq quramı» atlı ótken ashıq sabaǵınıń analizi Tıńlandı: Ámeliyatshı: Atabaev Arıslanbektiń sózi: Sabaqtı jaqsı shólkemlestirdim. Úyge tapsırmanı soraw ushın sorawlar dúzip kelip oqıwshılardı ótken sabaqqa qanday dárejede tayarlanıp kelgenin tekserdim hám bahaladım. Taza ótetuǵın temam ushın prezentaciya islep keldim. Temanı bekkemlew da sorawlar dúzip keldim. Sonday-aq, klastı toparlarǵa bólip bekkemlew jumısın islettim. Bunda topar aǵzalarına baha qoyıladı. Ulıwma aytqanda gózlegen maqsetime jettim, temanı ashıp bere aldım dep oylayman. Shıǵıp sóylewshiler: Metodist Nauruzbaeva Gúlbahar apanıń sózi: Sabaqtı jaqsı ótti. Jetiskenlikleri: prezentaciya jaqsı islep kelgen, formada kelgen, temaǵa jaqsı tayarlanıp kelgen hám sonlıqtan sabaqtı jaqsı ótti. Úyge tapsırmanı sorawǵa hám bekkemlew ushın sorawlar dúzip kelgen. Kemshilikleri temanı túsindiriwde albırawshılıqlar boldı. Basta ózin erkin tuta almadı, biraq keyin sabaqqa kirisip ketti. Pán oqıtıwshısı: Ataniyazova Qallıgúl apanıń sózi: Sabaqqa jaqsı tayarlanıp kelgen. Kiyiniw etikasına muwapıq durıs kiyinip kelgen. Prezentaciyanı zor islepti. Oqıwshılardıń úyge tapsırmasın soraw-juwap qılıw arqalı, stikerler berip bahaladı. Klastıń tınıshlıǵın saqlay aldı. Ámeliyatshı: Kurbanazarov Baxtıbektiń sózi: Sabaqtı jaqsı ótti. Prezentaciya islep kelip temanı jaqsı túsindirdi. Ózin uslaw mádeniyatı jaqsı. Oqıwshılarǵa sorawlar berip bahalay aldı. Waqıttı bólistiriwde biraz kemshilikler boldı. Ámeliyatshı: Bazarbaev Sultanbektiń sózi: Sabaqtı jaqsı ótti. Temanı ashıp bere aldı. Taza temanı bekkemlew waqtında oqıwshlardıń barlıǵı sorawlarǵa juwap berip otırdı. Bul olardıń temanı jaqsı túsingenliginen. Temanı oqıwshılardıń jaqsı túsiniwide onıń sabaq ótiwindegi jetiskenligi. Sabaqqa usınıs hám pikirler: Sabaqtı jaqsı hám oqıwshılar ishın túsinikli etip ótti. Prezentaciya arqalı temanıń oqıwshılarǵa elede túsinikli bolıwın támiyinledi. Temanı ashıp bere aldı. Gózlengen maqsetke eristi. Sabaqta ózin erkin uslawı ushın elede óz ústinde islewi kerek. Jıynalıstıń qararı: Ámeliyatshı Atabaev Arıskanbektiń 9B-klasqa ótken ashıq sabaǵı ___ bahası menen bahalanadı. Metodist: Nauruzbaeva Gúlbahar Pán oqıtıwshısı: Ataniyazova Qallıgúl Xatker: Bazarbaev Sultanbek Ámeliyatshı: Atabaev Arıslanbek