Акафист (с ударениями)

АКАФИСТ
ГОСУДАРЮ ИМПЕРАТОРУ НИКОЛАЮ II
(для келейного чтения)
Бо́же, ми́лостив бу́ди мне гре́шному! (Поклон)
Бо́же, очи́сти мя гре́шнаго и поми́луй мя.
Созда́вый мя, Го́споди, поми́луй мя.
(Поклон)
(Поклон)
Без числа́ согреши́х, Го́споди, прости́ мя.
(Поклон)
☼Влады́чице моя́, Пресвята́я Богоро́дице, спаси́ мя гре́шнаго.
Ангеле Храни́телю мой святы́й, от вся́кого зла сохрани́ мя.
Святы́й му́чениче (имярек), моли Бога о мне.
(Поклон)
(Поклон)
(Поклон)
Моли́твами святы́х оте́ц на́ших, Го́споди иису́се Христе́, Сы́не Бо́жий,
поми́луй на́с, ами́нь.
Сла́ва Тебе́, Бо́же наш, сла́ва Тебе́.
Трисвятое ...
Царю́ Небе́сный, Уте́шителю, Ду́ше Истины, Иже везде́ сы́й и вся́
исполня́яй, Сокро́вище Благи́х и Жи́зни Пода́телю, прииди́ и всели́ся в ны́, и
очи́сти ны́ от вся́кия скве́рны, и спаси́, Бла́же, ду́ши на́ша.
Слава и ныне: , Отче наш ...
Го́споди, поми́луй. (12 раз)
Слава и ныне:
Прииди́те, поклони́мся Царе́ви на́шему Бо́гу. (Поклон)
Прииди́те, поклони́мся и припаде́м Христу,́ Царе́ви на́шему Бо́гу. (Поклон)
Прииди́те, поклони́мся и припаде́м Самому́ Христу,́ Царе́ви и Бо́гу на́шему. (Поклон)
Символ веры
во еди́наго Бо́га Отца́, Вседержи́теля, Творца́ не́бу и земли́, ви́димым же
В́
всем и неви́димым.
2 И во единаго Господа Иисуса Христа, Сына Божия, Единороднаго, иже от Отца
́
́
́
́
́
́
́
́
́
рожде́ннаго пре́жде всех век; Све́та от Све́та, Бо́га и́стинна от Бо́га и́стинна,
рожде́нна, несотворе́нна, единосу́щна Отцу,́ и́мже вся бы́ша.
3 Нас ради человек и нашего ради спасения сшедшаго с небес и воплотившагося от
́
́
́
́
́
́
́
́
Ду́ха Свя́та и Мари́и Де́вы, и вочелове́чшася.
4 Распятаго же за ны при Понтийстем Пилате, и страдавша, и погребенна.
́
́
́
́
́
́
5 И воскресшаго в третий день по Писанием.
́
́
́
6 И возшедшаго на небеса, и седяща одесную Отца.
́
́
́
́
́
7 И паки грядущаго со славою судити живым и мертвым, Егоже Царствию не будет
́
́
́
́
́
́
́
́
́
конца́.
8 И в Духа Святаго, Господа животворящаго, иже от Отца исходящаго, иже со Отцем
́
́
́
́
́
́
́
́
́
и Сы́ном спокланя́ема и ссла́вима, глаго́лавшего проро́ки.
9 Во едину Святую, Соборную и Апостольскую Церковь.
́
́
́
́
́
10 Исповедую едино крещение во оставление грехов.
́
́
́
́
́
11 Чаю воскресения мертвых, 12 и жизни будущаго века. Аминь.
́
́
́
́
́
́
́
1 Верую
Кондак 1
Богоизбра́нне Руси́ искупле́ние и Христо́вой любви́ воплоще́ние,
воспева́ем Ти́ похва́льная, я́ко па́че всего́ Оте́чество свое́ возлюби́вшему, Ты́
же, я́ко име́яй дерзнове́ние ко Го́споду, просвети́ омраче́нныя умы́ и сердца́
на́ша, да зове́м Ти́: Ра́дуйся, Святы́й Царю́ Нико́лае, искупи́телю Собо́рнаго
греха́ изме́ны Богоизбра́ннаго Наро́да Ру́сскаго! (Поклон).
Икос 1
Ангелов Творе́ц посла́ Тя́ Земле́ Ру́сской, я́ко Ангела незло́бия и
вразумле́ния к Богоизбра́нному Наро́ду Твоему, Тя́ бо избра́ по о́бразу Сы́на
Своего́ Единоро́днаго в же́ртву искупле́ния за Собо́рный гре́х изме́ны Наро́да
Ру́сскаго. мы́ же, дивя́щеся таково́му о Тебе́ промышле́нию Вседержи́теля, с
умиле́нием вопие́м Ти́:
Ра́дуйся, Христу́ уподобле́ние!
Ра́дуйся, же́ртво всесожже́ния!
Ра́дуйся. Ру́сских Царе́й украше́ние!
Ра́дуйся, незло́бия и всепроще́ния о́браз пода́вый!
Ра́дуйся, оби́димых нело́жное упова́ние!
Ра́дуйся, веры нерушимое основание!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 2
Ви́дящи всеблага́я Богома́ти в уде́ле Свое́м Страну́ на́шу ме́рзостию
растле́ния оскверня́ему, избра́ Тя́ от рожде́ния, я́ко чисте́йшаго, Ру́си бо во
очище́ние, да вси́ надгро́бное рыда́ние Тебе́ твори́м пе́снь: Аллилу́иа.
(Поклон).
Икос 2
Ра́зум Предве́чный предуве́де Тя́ ко спасе́нию и житию́ Твоему́
прообразова́ние Ио́ва многострада́льнаго, рожде́ние Твое́ и па́мять
Пра́ведника сочета́вая. Мы́ же, на́ш гре́х неве́рности Тебе́ помина́юше. с
тре́петом серде́чным и сокруше́нием душе́вным вопие́м Ти́ си́це:
Ра́дуйся, хулы́ и напа́сти от Наро́да Твоего́ претерпе́вый!
Ра́дуйся, Ве́ру до конца сохранивый!
Ра́дуйся, о́бразе кро́тости!
Ра́дуйся, свети́льниче Пра́вды!
Ра́дуйся, блюсти́телю Богопочте́ния!
Ра́дуйся, пра́вило смире́ния!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 3
Си́ла Вы́шняго осени́ Тя́, Боговенча́нне Царю́ Нико́лае,
лжему́дрствующему за́паду вразумле́ние противора́тное соде́лавшаго, да ми́р
Бо́гу возопие́т: Аллилу́иа. (Поклон).
Икос 3
Име́я тща́ние о вразумле́нии заблу́дших, поревнова́л еси́ Благове́рный
Царю́, Храмов созида́нию, Моще́й Святы́х Уго́дников Бо́жиих прославле́нию,
просвеще́ния Христиа́нскаго насажде́нию и обездо́ленных от наси́лия
огражде́нию, да ми́р Христиа́нский вопиет Ти́ такова́я:
Ра́дуйся, святителя Николая на земли соимените!
Ра́дуйся, Преподо́бнаго Серафи́ма на Небеси́ сомоли́твенниче!
Ра́дуйся, Правосла́вия насади́телю!
Ра́дуйся, Све́та Христо́ва носи́телю!
Ра́дуйся, терпе́ния Христиа́нского учи́телю!
Ра́дуйся, Правосла́вным Христи́аном засту́пниче!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 4
Бу́ри безу́мия и злоре́чия не убоя́лся еси́, Царю́ Нико́лае, егда́ согла́сие
со враги́ и изме́нники на пагубу́ Оте́чества отве́ргл еси́, злохуле́ния, заточе́ние
и умерщвле́ние претерпе́л еси́, вопия́ Бо́гу Вседержи́телю: Аллилу́иа.
(Поклон).
Икос 4
Слы́шаще Держа́вы Росси́йской нестрое́ние и ви́дяще Христи́ан
разде́ление, моли́лся еси́, не престава́я, да спасе́т Всеблага́я Ру́сь
Правосла́вную. Сего́ ра́ди вопие́м Ти́:
Ра́дуйся, моли́твы кади́ло благово́нное!
Ра́дуйся, лампа́до Ве́ры неугаси́мая!
Ра́дуйся, бу́йствующих кро́тостию вразумле́ние!
Ра́дуйся, неуте́шных в скорбе́х утеше́ние!
Ра́дуйся, Небе́сных Бла́г люби́телю!
Ра́дуйся, Пра́вды Бо́жия ревни́телю!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 5
Боготе́чная звездо́ Ру́сским в разсе́янии су́щым яви́лся еси́, Царю́
Нико́лае, о и́мени Твое́м во еди́но и́х собира́я и Пу́ть Христо́в к воскресе́нию
Свято́й Руси́ показу́я, да пою́т Ангели пе́снь о ка́ющихся гре́шницех: Аллилу́иа.
(Поклон).
Икос 5
Ви́дя, я́ко кро́тость и смире́ние Твое́ ничто́же успева́ют, все́ упова́ние на
Пречи́стую возложи́л еси́ и в Ру́це Вседержи́теля всего́ Себе́ преда́л еси́, да и
безу́мныя вразуми́т во е́же пе́ти Тебе́:
Ра́дуйся, горды́ни победи́телю!
Ра́дуйся, Венца́ Небе́снаго носи́телю!
Ра́дуйся, не́мощных стено́ необори́мая!
Ра́дуйся, го́рдых вразуми́телю!
Ра́дуйся, к лю́дем свои́м Любо́вь преизоби́льная!
Ра́дуйся, за Ру́сскую Зе́млю же́ртво усе́рдная!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 6
Пропове́дуют концы́ вселе́нныя сла́ву Твою́, во всю́ зе́млю изы́де сло́во
Твое́, я́ко не́сть то́я же́ртвы, ю́же не прине́сл бы́х за бла́го Це́ркви
Правосла́вныя, Богоизбра́ннаго Наро́да Ру́сскаго и Оте́чества на́шего, науча́я
те́м лю́ди Твоя́ благода́рственно пе́ти Бо́гу: Аллилу́иа. (Поклон).
Икос 6
Возсия́л еси́ па́че со́лнца Земли́ Ру́сской, Святы́й Царю́-искупи́телю
Нико́лае, Богоизбра́нному Наро́ду Ру́сскому заступле́ние да́же до сме́рти
яви́вый, да вси́ ко Христу́ обраща́ются и к Тебе́ прибега́ют сего́ ра́ди
воспева́ем Ти́ такова́я:
Ра́дуйся, све́те от восто́ка исше́дый!
Ра́дуйся, о́бразе Царе́м Правосла́вным!
Ра́дуйся, Пра́вды Бо́жия сия́ние неистощи́мое!
Ра́дуйся, кро́тости Христо́вы свети́ло незаходи́мое!
Ра́дуйся, гре́шников о́тчее вразумле́ние!
Ра́дуйся, Пра́ведников усе́рдное прославле́ние!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 7
Хотя́й За́мысел Бо́жий о Це́ркви Христо́вой и Держа́ве Российской
испо́лнити Ве́ру Правосла́вную по все́й земли́ утверди́ти и все́ наро́ды ко
Христу́ обрати́ти, подви́гл еси́ все́ Ца́рство Твое́ на заступле́ние оби́димыя
страны́ Се́рбския, да вси́ вопию́т Бо́гу: Аллилу́иа. (Поклон).
Икос 7
Но́ваго Тя́ Но́я, строи́теля спасе́ния Богоизбра́нному Наро́ду Ру́сскому
яви́ Госпо́дь, да вси́ труды́ Твоя́ помина́юще, непреста́нно воспева́ем Ти́
си́цевая:
Ра́дуйся, Ру́сскаго корабля́ води́телю!
Ра́дуйся, Славя́н в бе́дах утеши́телю!
Ра́дуйся, Се́рбстей страны́ заступле́ние!
Ра́дуйся, Ру́сских люде́й окормле́ние!
Ра́дуйся, миролю́бия возвести́телю!
Ра́дуйся, Христи́анских доброде́телей насади́телю!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 8
Стра́нное чу́до ви́дим на Тебе́, Нико́лае, Десни́цею Всевы́шняго
многа́жды спаса́еме, со ча́ды же и сро́дники му́ченическим венце́м венча́еме,
да Бо́гу Промысли́телю вся́ческих вопие́м: Аллилу́иа. (Поклон).
Икос 8
Ве́сь еси́ все́м Христиа́ном засту́пник яви́лся еси́, Богоизбра́нне
Нико́лае, сугу́бое заступле́ние наро́дом Славя́нским показу́еши, на похвалу́
подвиза́я пе́ти Тебе́:
Ра́дуйся, защи́то оби́димых!
Ра́дуйся, вразумле́ние оби́дящих!
Ра́дуйся, ско́рбных прибе́жище!
Ра́дуйся, гони́мых засту́пниче!
Ра́дуйся, в житии́ Твое́м миротво́рче!
Ра́дуйся, по убие́нии Твое́м Христиа́ном побо́рниче!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 9
Вся́кими чудесы́ яви́ Госпо́дь благоволе́ние Свое́ Ру́сским лю́дем,
до́ндеже преогорчи́ша Го́спода зело́, но Тобо́ю к Покая́нию призыва́емы, ку́пно
воспои́м Бо́гу: Аллилу́иа. (Поклон).
Икос 9
Вети́я многовеща́нныя, я́ко ры́бы безгла́снии, не возмо́гут возре́ти
высоту́ Твоего́ терпе́ния, мы́ же глубину́ паде́ния на́шего созерца́юще, в
сокруше́нии ду́ха взыва́ем:
Ра́дуйся, терпе́ние необори́мое!
Ра́дуйся, ве́рносте Христиа́н непоколеби́мая!
Ра́дуйся, горды́ни сокруше́ние!
Ра́дуйся, безу́мных умудре́ние!
Ра́дуйся, о́браз ве́рным в житии́ и му́ченичестей кончи́не да́вый!
Ра́дуйся, за гре́х Наро́да Своего́ пострада́вый!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 10
Спасти́ся хотя́й все́м челове́ком, и́же на кро́ви Му́чеников Свои́х Це́рковь
основа́вый, Сердцеве́дец, Христо́с положи́ Тя́, Святы́й Царю́ искупи́телю
Нико́лае, во основа́ние но́выя храми́ны Держа́вы Ру́сской, да вси́ в не́й су́щия
вопию́т Бо́гу: Аллилу́иа. (Поклон).
Икос 10
Стена́ еси́ все́м к Тебе́ с ве́рою прибега́ющим и необори́мое огражде́ние
ми́ру Правосла́вному еси́, науча́я вся́ ве́рныя сла́вити Тя́ си́це:
Ра́дуйся, на земли́ Небе́сных явле́ние!
Ра́дуйся, оскудева́ющих доброде́тельми восполне́ние!
Ра́дуйся, заре́ в земли́ Ру́сской возсия́вшая!
Ра́дуйся, реко́, все́ преде́лы её напита́вшая!
Ра́дуйся, смиренному́дрия учи́телю!
Ра́дуйся, Ве́ры и Любви́ насади́телю!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 11
Пе́ние Пресвяте́й Тро́ице да́же до сме́рти при́носяще, тече́ние сконча́л
еси́ и Ве́ру соблю́л еси́, е́юже вся́ Правосла́вныя Христиа́ны подвиза́еши пе́ти:
Аллилу́иа. (Поклон).
Икос 11
Светода́телем по́яслан бы́в земли́ на́шей, я́ко Агнец непоро́чный,
полага́ешися во искупле́ние греха́ измены Народа Русского, да вси
непрестанно Тя славим:
Ра́дуйся, боголюбезная жертво!
Ра́дуйся, любвеобилие неистощимое!
Ра́дуйся, верности Христовы похвало!
Ра́дуйся, всеяние Духа незримое!
Ра́дуйся, зерцало премудрости!
Ра́дуйся, ненадеющихся надеждо!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 12
Боже́ственная Благода́ть не́мощная врачу́ющи предуве́де Тя́, я́ко
враче́вство неистощи́мое владо́мым Твои́м, вопию́щим Бо́гу: Аллилу́иа.
(Поклон).
Икос 12
Пою́ще страда́ния Твоя́, Святы́й Царю́ искупи́телю Нико́лае,
покланя́емся терпе́нию Твоему,́ я́ко си́ле Всемо́щныя Тро́ицы я́вльшейся на
Тебе́, да вси́ согла́сно вопием:
Ра́дуйся, возлю́бленное ча́до Христо́во!
Ра́дуйся, непоро́чная ча́да Твоя́ и ве́рныя слу́ги ко Христу́ приве́дый!
Ра́дуйся, Цари́це пра́ведною и Му́ченицею бы́ти посо́бствовавый!
Ра́дуйся, Наро́д Тво́й Истине наста́вивый!
Ра́дуйся, Оте́чества че́сти не посрами́вый!
Ра́дуйся, Ца́рство Небе́сное стяжа́вый!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 13
О пречу́дный и пресла́вный Святы́й Царю́-искупи́телю Нико́лае, при́зри
на Оте́чество Твое́ земно́е и люди́ Твоя́, вся́каго бо отве́та о гресе́ изме́ны
на́шея недоуме́ем, и умоли́ Всеми́лостиваго Христа́ Бо́га Спа́са на́шего, да не
вни́дет в су́д с на́ми, но сподо́бит ны́ непреста́нно воспева́ти: Аллилу́иа.
(Поклон).
(Сей кондак глаголем трижды)
Икос 1
Ангелов Творе́ц посла́ Тя́ Земле́ Ру́сской, я́ко Ангела незло́бия и
вразумле́ния к Богоизбра́нному Наро́ду Твоему, Тя́ бо избра́ по о́бразу Сы́на
Своего́ Единоро́днаго в же́ртву искупле́ния за Собо́рный гре́х изме́ны Наро́да
Ру́сскаго. мы́ же, дивя́щеся таково́му о Тебе́ промышле́нию Вседержи́теля, с
умиле́нием вопие́м Ти́:
Ра́дуйся, Христу́ уподобле́ние!
Ра́дуйся, же́ртво всесожже́ния!
Ра́дуйся. Ру́сских Царе́й украше́ние!
Ра́дуйся, незло́бия и всепроще́ния о́браз пода́вый!
Ра́дуйся, оби́димых нело́жное упова́ние!
Ра́дуйся, веры нерушимое основание!
Ра́дуйся, Святы́й Царю́ Нико́лае, искупи́телю Собо́рнаго греха́ изме́ны
Богоизбра́ннаго Наро́да Ру́сскаго! (Поклон).
Кондак 1
Богоизбра́нне Руси́ искупле́ние и Христо́вой любви́ воплоще́ние,
воспева́ем Ти́ похва́льная, я́ко па́че всего́ Оте́чество свое́ возлюби́вшему, Ты́
же, я́ко име́яй дерзнове́ние ко Го́споду, просвети́ омраче́нныя умы́ и сердца́
на́ша, да зове́м Ти́: Ра́дуйся, Святы́й Царю́ Нико́лае, искупи́телю Собо́рнаго
греха́ изме́ны Богоизбра́ннаго Наро́да Ру́сскаго! (Поклон).
Тропарь. Глас 4
Же́ртве Христо́вой в подо́бие,/ я́ко Агнец непоро́чный,/ во́лею
полага́ешися во искупле́ние/ Собо́рнаго греха измены Богоизбра́ннаго Наро́да
Ру́сскаго,/ Ца́рству в себе́ разде́льшемуся/ в Себе́ же да́руеши исцеле́ние,/ о
Святы́й Царю искупи́телю Нико́лае,/ страда́ния Твоея́ кре́стная сла́вим,/ и́ми
бо Ца́рствие воскреша́ется/ во сла́ву Царя́-Бо́га Небе́снаго,/ и во спасе́ние
ду́ш на́ших. (Поклон).
Молитва
Краткая молитва Святому Царю искуптелю
НИКОЛАЮ АЛЕКСАНДРОВИЧУ
О Святы́й Царю́ искупи́телю Нико́лае, спаси́ Росси́ю от Собо́рныя сме́рти
и моли́ Бо́га спасти́ся душа́м на́шим. Ами́нь.
Исповедательная молитва Святому Царю искупителю
НИКОЛАЮ АЛЕКСАНДРОВИЧУ*
О преди́вный Уго́дниче Христо́в, Бо́гом да́нный, Бо́гом избра́нный, Бо́гом
води́мый, Cвяты́й Царю́ искупи́телю Нико́лае; о тебе́ же рече́ Госпо́дь
свиде́тельствовав: обрето́х Дави́да, му́жа по Се́рдцу Моему́, и́же сотвори́т вся́
Хотения Моя́.
О неусы́пный Ревни́телю Христиа́нскаго Благоче́стия, добропобе́дный
Защи́тниче и Покрови́телю Христо́вы Це́ркви, Великодержа́вный Оте́ц
Оте́чества на́шего! Ты́ на Ца́рство Ру́сское Бо́жиим изволе́нием, а не
мяте́жным челове́ческим хоте́нием взоше́л еси́ и Христу́ Царю́, я́ко
Уде́рживающий та́йну безза́кония послужи́л еси́; наипа́че Спаси́телю на́шему,
Го́споду иису́су Христу́ во искупи́тельном по́двиге уподо́бился еси́. Креста́
своего́ не отве́ргл, и смире́ние свиде́тельствоваше, ре́кше: а́ще Бо́гу потре́бна
искупи́тельная же́ртва за гре́х моего́ Наро́да, для́ спасе́ния Росси́и, а́з бу́ду е́ю,
да сверши́тся Во́ля Бо́жия.
О Святы́й Царю́ искупи́телю Никола́е, ты́ не то́кмо глаго́лал, но вся́
благопотре́бныя по́двиги для спасе́ния Росси́и сла́вно поне́сл: Наро́д сво́й
Безкро́вной Же́ртве подо́бно на Екатеринбургской Голго́фе кро́вию Ца́рскою
искупи́л еси́ и те́м го́рькую ча́щу отлучения от Пресвяты́я Тро́ицы в се́м и в
бу́дущем ве́це: ве́чных муче́ний и истребле́ния с лица́ земли́, от Наро́да
клятвопресту́пнаго отврати́л, и наипа́че гряду́щее воскресе́ние Свято́й Руси́
свои́м Христоподо́бным по́двигом соде́лал еси́.
Яко Ца́рь Царе́й грехи́ все́х челове́к, на Голго́фский Кре́ст возне́сл и
Свое́ю Честно́ю Кро́вию омы́л, та́ко и ты́ для спасе́ния Росси́и во о́браз
Искупи́тельной Же́ртвы Христа́ Царя́, гре́х изме́ны Наро́да Ру́сскаго на
Екатеринбу́ргской Голго́фе кро́вию ца́рскою омы́л, и я́ко Госпо́дь Свои́ми
Крестными Страда́ниями и Безгре́шной Сме́ртию все́го Ада́ма от прокля́тия,
а́да и ве́чной сме́рти спа́сл еси́, та́ко и ты́ Святы́й Царю́ искупи́телю Нико́лае
свято́ю сме́ртию свое́ю и кро́вию для спасе́ния России про́литою, от стра́шнаго
прокля́тия в се́м и в бу́дущем ве́це, отлуче́ния от Пресвяты́я Трои́цы, иу́д
но́вых, Бо́гу да́нный Благочести́вый Собо́рный Обе́т преступи́вших и до ны́не
преступа́ющих, спа́сл еси́ и всему́ Наро́ду Ру́сскому прощение греха́ сего́ у
Христа́ Царя́ испроси́л еси́.
И я́ко Госпо́дь, попра́вши си́лу диа́волю, тридне́вен воскре́сл, та́ко и
ра́ди кре́стной искупи́тельной же́ртвы твое́й Ру́сь Святу́ю от Собо́рныя сме́рти
воскреси́т и Царя́ победи́теля на Свято́м Престо́ле па́че утверди́ть, да
просла́вится у́бо во Свято́й Руси́ Всесвято́е Имя Го́спода Бо́га на́шего, в
Тро́ице Еди́наго, Сла́вимаго и Поклоня́емаго: Отца́, и Сы́на, и Свята́го Ду́ха ,
Его́же е́сть Ца́рствие, и Си́ла, и Сла́ва, Че́сть и Поклоне́ние, ны́не, и при́сно, и
во ве́ки веко́в. Ами́нь.
* Данная молитва, раскрывает суть Великого Христоподобного искупительного подвига
Cвятаго Царя искупителя НИКОЛАЯ АЛЕКСАНДРОВИЧА. Сию молитву особено часто
следует читать тем, кои не утвердились сердцем в Святоcти Государя и не до конца приняли
седцем и умом Его Великую Христоподобную Искупительную Жертву во Имя спасения
Русского Богоизбранного Народа и воскресения Святой Руси.
Покаянная молитва Святому Царю искупителю
НИКОЛАЯ АЛЕКСАНДРОВИЧУ
О Святы́й Царю́ искупи́телю Нико́лае, услы́ши ны́не многоболе́зненный
во́пль на́с, погиба́ющи ча́д Твои́х, из тьмы́ греха́ к Тебе́, Держа́вному Отцу́
на́шему взыва́ющих. При́зри ми́лостивно на бе́ды и страда́ния на́ша и Путе́м
Спасе́ния изведи́, я́ко Христо́с из бе́здны а́довой, всемо́щною Твое́ю
моли́твою. Поне́же согреши́хом в слепоте́ безу́мия на́шего па́че все́х челове́к
на земли́: отверго́шася Царя́ Небе́снаго и тебе́ христа́ земна́го; Сло́во Бо́жие
презре́ша, Пома́занников Госпо́дних хули́ша, Свято́е Призва́ние Божие
попра́ша и сатане́ беззако́ниями поработи́шася. Бо́гу да́нный Благочести́вый
Собо́рный Обе́т ве́рно служи́ть Самодержа́вным Царя́м из До́ма Рома́новых и
всенаро́дную Прися́гу де́рзко преступи́ша, и целова́ние Креста́ и Ева́нгелия ни
во что́ вмени́ша. Тебе́ же, Пома́занника Бо́жия с ца́рственною супру́гою
Алекса́ндрою, ча́дами Твои́ми: Царе́вичем Алекси́ем, Царе́внами Ольгою,
Татиа́ною, Мари́ей и Анастаси́ей, ве́рными дру́гами и слу́гами твои́ми, иу́диной
изме́ной в ру́цы сы́новей диа́вола на оклевета́ние, поруга́ние и пропя́тие
преда́ли еси́. Сего́ ра́ди, нача́т Госпо́дь отсту́пников в Ра́зум Истины лю́тыми
скорбя́ми приводи́ти и под и́го жидо́вское Росси́ю отда́л еси́. Да́бы позна́ли
лю́ди Ру́сские, ка́ко Бо́га и Пома́заника Его́ отверга́тися, а диа́вола и клевре́т
сатани́ных слу́шати.
О бе́здна а́дская паде́ния на́шего! Кое́го греха́ от дру́жбы с си́лой те́мною
не соде́лали, ко́е нече́стие не сотвори́ли, ко́е зло́ в се́рдце свое́м не
помы́слили! Го́споди Милосе́рдный, поми́луй на́съ! Ра́ди моли́тв Свята́го Царя́
искупи́теля НиКОЛАЯ АЛЕКСАНДРОВИЧА расто́ргни окамене́нныя грехо́м
сердца́ на́ша и изведи́ из на́с, я́ко во́ду жи́ву, сле́зы покая́ния; да услы́шат вси́
лю́ди Ру́сские сокрове́нный Гла́с Тво́й, Го́споди: ка́ко бо мо́жете служи́ти Царю́
Небе́сному, а́ще бо Царя́ земна́го преда́ли еси́; сотвори́те пре́жде досто́йный
пло́д Покая́ния за грехи́ отце́в ва́ших, омо́йтеся и очи́ститеся, испра́вте сердца́
ва́ша двоеду́шныя, и уразуме́йте, я́ко Росси́я без Царя́, ка́ко и челове́к без
главы́, е́сть тру́п смердя́щий.
Сего́ ра́ди, приими́, у́бо Го́споди, мое́ Покая́ние, и моли́твами Свята́го
Царя́ искупи́теля НиКОЛАЯ АЛЕКСАНДРОВИЧА спаси́ и поми́луй (имярек) * и
все́х сро́дник мои́х и вся́ лю́ди Ру́сския Благочести́вый Собо́рный Обе́т 1613
го́да преступи́вших и до ны́не преступа́ющих, все́х ненави́дящих и оби́дящих
на́с и творя́щих на́м напа́сти, и а́ще возмо́жно е́сть взыщи́, Го́споди, поги́бшия
ду́ши отце́в, и бра́тий, и се́стр на́ших. Прости́ непра́ведно восстаю́щих на на́с и
не оста́ви поги́бнути душа́м и́х, но спаси́ все́х ра́ди Сла́вы Имени Твоего́
Пресвята́го: Отца, и Сы́на и Свята́го Ду́ха , яко Тво́е е́сть Ца́рствие, и Си́ла, и
Сла́ва ны́не и при́сно во ве́ки веко́в. Ами́нь. **
* Если у тебя есть родственники или ближние восстающие на Государя и на Православное
Царское Самодержавие, потрудись помянуть их сдесь. Это будет одним из самых
действенных средств к их вразумлению и исправлению.
** Не забываем, что когда оканчиваем просительную молитву, то Крестное Знамение творим
со словами: "ИМЕНЕМ Господа Бога Отца, и Сына, и Святаго Духа. Аминь!" во
знаменование получения просимого и незыблемого утверждение себя в Вере Богу решему
нам: "Истинно, истинно говорю вам: ВЕРУЮЩИЙ в Меня, дела, которые творю Я, и он
сотворит, и больше сих сотворит. И если чего ПОПРОСИТЕ у Отца ВО ИМЯ МОЕ, то
сделаю, да прославится Отец в Сыне" (Иоан.14:12,13) "Доныне вы ничего не просили ВО
ИМЯ МОЕ, [но ныне говорю вам:] ПРОСИТЕ, и ПОЛУЧИТЕ, чтобы радость ваша была
совершенна" (Иоан.16:24)